Lajme
Austrian Airlines anulon mbi 100 fluturime të enjten, kjo është arsyeja
Austrian Airlines do të anuloj të enjtën (nesër) më shumë se 100 fluturime, duke prekur rreth 9,000 pasagjerë. Kjo, për shkak të mosmarrëveshjeve të vazhdueshme mes stafit me punëdhënësit, raporton albinfo.at
Gjithsej 110 fluturime të Austrian Airlines janë anuluar deri më tani, nesër pritet të zhvillohet një takim pune që përfshin personelin fluturues.
Nga kompania “Austria Airlines” kanë deklaruar se, pasagjerët e prekur do të informohen dhe do të rezervohen fluturime të tjera.
Pas veprimeve të fundit industriale, anulimet janë për shkak të kompanisë që zhvillon takime (Betriebsversammlungen) për të negociuar kushtet e punësimit dhe adresimin e ankesave brenda kompanisë.
Takimi fillimisht ishte planifikuar për të premten e kaluar, por u shty për këtë të enjte.
Një njoftim në faqen e “Austria Airlines” thuhet: “Këshilli i punës (Bordi) dhe sindikata Vida kanë njoftuar një tjetër takim pune, me 14 mars 2024. Për këtë arsye, për fat të keq, ne duhet të bëjmë sërish rregullime në orarin e fluturimeve. 110 fluturimet në fjalë tashmë janë hequr nga sistemi ose janë riplanifikuar dhe pasagjerët e prekur janë informuar ose janë rezervuar datat e reja”, transmeton albinfo.at
Arsyeja e takimit është ngecja e negociatave të marrëveshjes kolektive të punës me stafin në bord të AUA-s.
Vonesat dhe anulimet e fluturimeve filluan, kur punonjësit e “Austrian Airlines” njoftuan një grevë më 1 mars për të kërkuar rritje të pagave.
Pas një viti të suksesshëm për industrinë e aviacionit dhe rritjes së ndjeshme të çmimeve të biletave, sindikata e punonjësve kërkon që punonjësit e linjave ajrore të marrin më shumë përfitime, siç është rritja e pagave.
Por, ka një ndryshim domethënës në idetë në lidhje me rritjen e pagave midis punëdhënësve dhe stafit.
Punëdhënësit po ofrojnë një rritje prej 4.5 për qind dhe po konsiderojnë gjithashtu rritje shtesë për një afat më të gjatë. Megjithatë, sindikata kërkon një rritje pagash prej 30 për qind dhe gjithashtu më shumë ditë pushimi, raportojnë mediat austriake, përcjell albinfo.at
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?