Maqedonia
Austria, pro anëtarësimit të të gjitha vendeve të Ballkanit Perëndimor në BE
Në kuadër të vizitës së punës në Vjenë, ministri i Punëve të Jashtme i Republikës së Maqedonisë së Veriut, Bujar Osmani, realizoi takim bilateral me ministrin Federal për Çështje Evropiane dhe Ndërkombëtare të Republikës së Austrisë, Alexander Schallenberg, njoftojnë nga MPJ, përcjell albinfo.ch.
MPJ u shpreh kënaqësi për zhvillimin e marrëdhënieve dypalëshe mes dy vendeve, si dhe angazhimet e ndërsjella për forcimin e mëtejshëm të lidhjeve të forta miqësore, me theks në ekonominë si një nga shtyllat e marrëdhënieve mes dy vendeve, duke shprehur shpresë që Austria edhe në të ardhmen do të vazhdojë të mbetet një nga investitorët e huaj më të rëndësishëm në vendin tonë.
Ministri Osmani, duke shprehur mirënjohjen për mbështetjen e fuqishme dhe konsistente të Austrisë për integrimin evropian të vendit, informoi për situatën e fundit të brendshme politike në Maqedoninë e Veriut, si dhe për aktivitetet e ardhshme që vendi ynë duhet t’i ndërmarrë në kuadër të procesit të negociatave për anëtarësim në Bashkimin Evropian.
Nga MPJ theksojnë se ministri Shallenberg u shprehu i kënaqur për fillimin e negociatave dhe angazhimin e Maqedonisë së Veriut për zhbllokimin e procesit, duke dërguar mesazh se vendi i tij mbetet mbështetës i fuqishëm i anëtarësimit të të gjitha shteteve të Ballkanit Perëndimor në Bashkimin Evropian.
U shkëmbyen mendime edhe për invazionin rus ndaj Ukrainës, duke i dënuar veprimet ushtarake ruse. Në këtë kontekst, ministri Osmani theksoi se Maqedonia e Veriut mbetet partner konstruktiv i BE-së në përgjigje ndaj krizës.
Në takim u diskutua edhe për avancimin e bashkëpunimit multilateral, me theks të veçantë në kryesimin e Maqedonisë me OSBE-në në vitin 2023.
Të tjera nga Maqedonia
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
Arrestohen këngëtarët shqiptarë në një “Bajram party”, në Zvicër
-
Shtetasja zvicerane arrestohet në Viti për shkak të kërcënimeve
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
Jeta në Austri
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku Lidhja Demokratike e Kosovës organizon takim informues me Eurodeputetin Lukas Mandi, kandidat në zgjedhjet EU2024 që...
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa
-
Lukas Mandl kërkon votën e shqiptarëve në Austri
-
Kapet pas disa vitesh vjedhësi serik shqiptar, “e tradhtojnë” këpucët
-
Dy të vdekur nga orteku në Austri