Lajme
Austria pret mbështetje për sanksione të reja të BE-së kundër Rusisë
Ministri i Jashtëm austriak, Alexander Schallenberg, pret që Bashkimi Evropian të miratojë sanksione të reja kundër Rusisë, për shkak të rastit të kritikut të Kremlinit, Aleksei Navalny, transmeton dpa.
Një hap i tillë mund të merret kur të takohen ministrat e BE-së për Punë të Jashtme të hënën, ka thënë ai për të përditshmen gjermane, Welt am Sonntag.
“Ne do të diskutojmë në Këshillin për Çështje të Jashtme veprimet e duhura për rastin e Navalnyt”, ka thënë Schallenberg.
Aty do të mund të përfshihen masa të shënjestruara kundër individëve dhe organizatave, sipas mekanizmit të krijuar rishtazi nga BE-ja për ndëshkim të shkelësve të të drejtave të njeriut.
Schallenberg ka thënë se pret “mbështetje” për sanksione nga 27 vendet e BE-së, mirëpo ka shtuar se sanksionet duhet të jenë të menduara mirë dhe të kenë bazë ligjore.
Ai ka theksuar se shumë persona kanë nisur raste nëpër gjykata, ashtu që të hiqen nga lista e sanksioneve të BE-së, në mungesë të të dhënave të mjaftueshme.
Apelet e Navalnyt janë hedhur poshtë në dy raste të ndryshme të shtunën.
Në rastin e parë, gjykata ka hedhur poshtë kërkesën e tij për lirim nga burgu, mirëpo ia ka shkurtuar kohën e burgimit për gjashtë javë, përkatësisht në dy vjet e gjysmë.
Më pas më vonë gjatë ditës, Navalny është ndëshkuar me gjobë të madhe për fyerje të një veterani të Luftës së Dytë Botërore.
Të dyja proceset gjyqësore janë konsideruar të motivuara politikisht.
E-Diaspora
-
Në 50 vitet e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Shkëlqimi shqiptar dhe eleganca e kohëve të shkuara në ekspozitën e Kristian Zefit
-
Arrestohen këngëtarët shqiptarë në një “Bajram party”, në Zvicër
-
Shtetasja zvicerane arrestohet në Viti për shkak të kërcënimeve
-
SH.K.A “Dardania” përfaqëson Shqipërinë e Kosovën në Festivalin në Winterthur
Jeta në Austri
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku Lidhja Demokratike e Kosovës organizon takim informues me Eurodeputetin Lukas Mandi, kandidat në zgjedhjet EU2024 që...
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa
-
Lukas Mandl kërkon votën e shqiptarëve në Austri
-
Kapet pas disa vitesh vjedhësi serik shqiptar, “e tradhtojnë” këpucët
-
Dy të vdekur nga orteku në Austri