Austria në ofansivë diplomatike kundrejt shqiptarëve

Kurz, këtë ofansivë diplomatike lidhur me çështjen e refugjatëve e filloi të martën, kur takoi në Vjenë, presidentin e Kosovës Hashim Thaçi, ndërsa të mërkurën do të takojë edhe kryeministrin e Shqipërisë, Edi Rama

Kancelari austriak Sebastian Kurz po bëhet gjithmonë e më tepër aktiv në Ballkan. E gjithë kjo ndodh për të “mbyllur korridorin ballkanik” të refugjatëve, e cila po zhvendoset nga Greqi-Maqedoni-Serbi në Greqi-Shqipëri-Mali i Zi-Bosnjë. Por ka edhe një korridor tjetër përmes Kosovës drejt Serbisë ose Mali të Zi në Bosnjë.

Për këtë ai filloi ofansivë diplomatike të martën, ku takoi në Vjenë, presidentin e Kosovës Hashim Thaçi, ndërsa të mërkurën do të takojë edhe kryeministrin e Shqipërisë, Edi Rama, shkruan oes4.at.

Që nga fillimi i vitit nga Turqia në Greqi kanë kaluar kufirin rreth 19 mijë refugjatë, duke alarmuar shumë vende të Perëndimit. Vetëm në Bosnjë presin 4000 refugjatë për të vijuar rrugën drejt BE-së. Në 12 qershor kjo temë më pas do diskutohet mes Kurz dhe kancelares gjermane Angela Merkel (CDU) dhe ministrin e brendshëm konservativ Horst See­hofer (CSU), i cili si kancelari austriak është më i ashpër kundrejt strehimit të refugjatëve.