Austria do ta bëjë të ligjshme vdekjen e asistuar nga viti i ardhshëm

@aeniosi

Qeveria austriake të shtunën parashtroi planet e saj për legalizimin e vetëvrasjes  (vdekjes) së asistuar nga viti 2022 në përgjigje të një vendimi të gjykatës, i cili zbuloi se ndalimi aktual shkelte të drejtat themelore, shkruan thelocal.at, përcjell albinfo.at

Në dhjetor 2020, gjykata kushtetuese urdhëroi qeverinë të heqë ndalimin ekzistues për vdekjen e asistuar, e cila dënohet me deri në pesë vjet burg. Sipas një përmbledhjeje të legjislacionit të propozuar nga ministria e drejtësisë, të rriturit që janë të sëmurë përfundimisht ose vuajnë nga një gjendje e përhershme dhe dobësuese do të kenë mundësi të kenë ndihmë për t’i dhënë fund jetës së tyre.

Dy mjekë do të duhet të vlerësojnë çdo rast, njëri prej të cilëve duhet të jetë i kualifikuar në mjekësinë paliative. Ndër detyrat e tyre do të jetë të përcaktojnë nëse pacienti është në gjendje të marrë vendimin në mënyrë të pavarur. Për më tepër, do të duhet të kalojnë të paktën 12 javë përpara se të jepet aksesi për t’u siguruar që eutanazia të mos kërkohet për shkak të një krize të përkohshme, përcjell tutje albinfo.at