Austri, thirrje shqiptarëve të shënojnë Ditën e përkujtimit të gjenocidit në Kosovë

Bëhet e ditur se publicisti Hazir Mehmeti u bënë thirrje shqiptarëve në Austri që të shënojnë ditën e përkujtimit të gjenocidit në Kosovë, përcjell albinfo.at.

Veprimtari i shquar i çështjes kombëtare, publicisti Hazir Mehmeti, autor i librit “Pranverë e helmuar”, përmes një deklarate ka bërë thirrje që edhe shqiptarët në Austri më 15 janar të shënojnë Ditën e gjenocidit në Kosovë.

 

Kjo është deklarata e tij:

Të nderuara mikesha,

Të nderuar miq,

Vjenë,  07.01.2023

 

THIRRJE PËR SHËNIM

Tani po afrohet 15 janari, Dita e përkujtimit të gjenocidit në Kosovë kësaj plage të hapur. Kjo datë është tani zyrtare. Në plotësimin e saj me simbolin përkatës QENDRA e drejtuar nga Bardhyl Mahmuti, kryetar  dhe zëvendëskryetari Adnan Asllani bënë thirrje për sensibilizim të opinionit për shënimin e 15 Janarit dhe miratimin e simbolit të lulëkuqes me kateër petale si simbol i përkujtimit të viktimave të gjenocidit në Kosovë.

Edhe në Austri ka hasur në mbështetje nga shumë veprimtare e veprimtarë, por kërkohet mbështetje e shoqatave, klubeve, institucioneve, rrjeteve organizative, në masivizim. Është detyrë atdhetare që të ndihmohet në zbardhjen e krimeve, evidentimin e tyre dhe denoncimin e kriminelit.

Mbështesim aktivitet e të gjitha shoqatave dhe individëve në shënimin e kësaj date me rëndësi në sensibilizim dhe vetëdijesimin kombëtar.

15 JANAR – Aktivitete përkujtuese, ndezje qirinjsh, lexim letrash, takime…

Gjenocidi serb në Kosovë nuk do harrohet!

Lavdi përgjithmonë!

Shqiptarët nuk harrojnë!

Hazir Mehmeti, publicist, Vjenë

---