Koronavirusi: çast pas çasti

Austri: Rritet numri i rasteve me variantin “Delta”

Varianti “Delta” ka shënuar rritje drastike në Austri. Në 24 orët e fundit, janë regjistruar 306 raste me Covid – 19.

Numri i infeksioneve është rritur kohët e fundit përsëri në Austri. Kjo për shkak të variantit të ri “Delta”, raporton heute.at.

Nëse hidhni një vështrim në ditët e kaluara, mund të shihni një rritje të lartë në numrat e e të infektuarve me koronë, përcjell albinfo.at

Me 10 korrik janë regjistruar 133 infeksione të reja, me 11 korrik 159 infeksione, ndërsa 192 me 12 korrik.  Të martën (13 korrik) numri i të infektuarve kaloj në 218 raste, ndërkohë të mërkurën ishte 332 raste të reja.

Sipas mediave austriake, varianti “Delta” aktualisht përbën 90 përqind të rasteve me korona në Austri. Të enjten kishte një rënie duke shënuar 306 raste të reja. Për krahasim, një javë më parë, me 8 korrik, ishin raportuar 120 raste. Një rritje drastike e rasteve të reja.

Qeveria austriake ka paralajmëruar se deri në mesin e muajt gusht, numri i të infektuarve mund të kalon me mijëra raste në ditë, andaj apelon të qytetarët që të vaksinohen, duke e konsideruar si të vetmen mënyrë për t’u mbrojtur nga viruset e njëpasnjëshme.

 


LAJME INTERESANTE NGA INTERNETI