Lajme
Austri: Nga 25 janari, e obligueshme maska FFP2
Deri më tash maskat FFP2 mund t’i gjeni nëpër farmaci, por së shpejti mund të furnizoheni edhe nëpër dyqanet ushqimore
Në Austri jo vetëm që është zgjatur izolimi ndaj Covid -19 deri më 7 shkurt, por qeveria austriake ka vendosur edhe rregulla të tjera. Nga 25 janari do të jetë e obligueshme bartja e maskës FFP2 në të gjitha dyqanet që janë të lejuara të punojnë si dhe në transportin publik.
Deri më tash maskat FFP2 mund t’i gjeni nëpër farmaci, por së shpejti mund të furnizoheni edhe nëpër dyqanet ushqimore me një çmim të volitshëm. „Do të mundohemi që maskat të jenë me të vërtetë me një çmim mjaft të lirë“, ka thënë ministri i Shëndetësisë, Rudolf Anschober, të dielën, shkruan krone.at, përcjell albinfo.at.
Sa më shumë që të jetë numri i porosive të maskave, aq më lirë do të jetë çmimi i blerjes nga qytetarët.
Ministri Anschober ka thënë se maskat FFP2 do të ofrohen falas për njerëzit me të ardhura të ulëta. Mirëpo për të gjitha detajet e tjera do të bëhet e ditur ditën e mërkurë.
A duhet të bartin maskën FFP2 edhe fëmijët?
“Jo për fëmijët e vegjël”, ka thënë Anschober. Maskat e deritashme për mbrojtja e gojës dhe hundës munden ende të përdoren për fëmijët nga mosha gjashtë vjeç, kurse fëmijët nga mosha 14 vjeç do të duhet të mbajnë maska FFP2 në të ardhmen.
Çmimi do të bëhet i ditur gjatë ditëve të ardhshme.
Përfaqësuesit e dyqaneve ushqimore, Spar, Lidl, Hofer dhe Rewe, kanë deklaruar të dielën se janë duke bërë përpjekje që maskat FFP2 t’ i sjellin me një çmim të volitshëm, transmeton albinfo.at.
Ekzistojnë burime të ndryshme të furnizimit dhe secila kompani ka furnizuesit e saj.
Lidl ka premtuar se deri në fund të javës se ardhshme ata janë në gjendje të ofrojnë rreth një milion maska.
Të tjera nga Lajme
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?