Gruaja
Artistja e vogël me ambicie të mëdha
Abetare Berila, ndonëse ende shumë e re, deri më tash ka hapur katër ekspozita personale dhe ëndrra e saj është që të bëhet një piktore e suksesshme
Vetëm 11 vjeçare, e lindur në Gjermani, ajo po ecën me hapa të sigurt drejt suksesit. Është kjo Abetare Berila, e cila talentin e saj për pikturën e ka shprehur qysh në fëmijërinë e saj të hershme. Ajo, qysh në moshën tre vjeçare kishte filluar t`i vizatojë lodrat e saj më të dashura, duke vazhduar pastaj me kurse për pikturën dhe përkrahje të vazhdueshme nga familja e saj për të ecur drejt suksesit.
Abetare Berila, së fundi si një 11 vjeçare për nderë të festëes së “28 Nëntorit” i kishte dhuruar një pikturë Qendrës kulturore për Mërgatë dhe Diasporë në Zürich.
Nuk është hera e parë që ajo punimet e saj i dhuron për institucionet dhe personat e rëndësishëm. Vlen të theksohet se Abetarja, një dhuratë të tillë kishte bërë edhe për Akademik Mark Krasniqin në rastin e promovimit të librit të tij “Kujtime e përjetime”, pastaj edhe personazheve dhe institucioneve të tjera si autori Rexhep Rifati me rastin e promovimit të librit “Shqiptarët në Zvicër 1001 pamje”, Konsullatës Kosovës në Frankfurt të Gjermanisë etj.
Me dashurinë e saj dhe nga shpirti i qiltër e bujar, me zemër bëmirësie ajo nga shitja e pikturave të saj, 500 Euro i dhuron për “SOS Fshatin” për fëmijët jetimë në Kosovë.
“Më duket se ëndërra ime lindi kur linda edhe unë, andaj kjo ëndërr ndoshta do të jetë e gjatë, por gjithnjë do të punoj të arrij piedestalin në art. Kam shumë piktorë që i adhuroj, së pari piktorët shqiptarë që janë të shumtë, por edhe ata botërorë, por me i përmend me emra ndoshta do ta harroja ndonjë” thotë artistja e vogël, Abetare Berila.
Abetarja e përkrahur gjithnjë nga nëna e saj, por edhe daja që i jep një mbështetje të madhe, ka ndjekur kurset e pikturës te piktori akademik Anatoli Pesirov ku është pajisur me një çertifikatë.
Feridja, nëna e Abetares thotë se mendon që ia ka krijuar të gjitha kushtet vajzës së saj për një punë të suksesshme dhe se do ta përkrahë atë gjithnjë.
“Suksesi është i Abetares, por që nga mosha trevjeçare, kur vërejta afinitetin e saj për të pikturuar, që atëherë ia kam krijuar kushtet për një punë të suksesshme, andaj edhe në të ardhmen do ta përkrah” thotë Feride Berila.
Ekspozitën e parë të pavarur e hapi më 16 Nëntorë 2012 në “Paul Bäck Haus“ në Heimenkirch me ndihmën e kryetarit te komunës, Reichart Markus. Ndër vizitorët e shumtë ishin kryetari i komunës, drejtoresha dhe mësuesit e shkollës ku ajo ndjek mësimet, pediatri i njohur Dr.med. Zahn, nxënësit e dy parashkollorëve, piktori Arsim Berisha dhe shumë vizitorë nga qyteti dhe rrethina .
Këtë ekspozitë e kishin pasuruar fjalimet nga kryetari i komunës, drejtoresha e shkollës, e në veçanti piktori Arsim Berisha që po vlerësonte lart punimet e Abetares.
Për talentin e saj nuk munguan shkrimet e gazetave lokale por edhe gazeta shqiptare, si dhe intervistat në televizionet kosovare për rrugëtimin e saj në art.
Abetare Berila, ndonëse ende shumë e re, deri më tash ka hapur katër ekspozita personale dhe ëndrra e saj është që të bëhet një piktore e suksesshme.
Visar Kryeziu
E-Diaspora
-
Një mbrëmje plot risi dhe frymëzim Ngjarja në Google Cyrih ishte një moment historik në misionin e swissalbs për të promovuar dhe...
-
Komuniteti shqiptar në Itali merr pjesë në “Festën e Popujve” në Bari
-
Albian Hajdari mund të jetë befasia e Zvicrës në Evropian
-
Shqiptari në Angli fsheh drogë në çorape, dënohet me tre vjet burgim
-
Itali: Shqiptari e godet 8 herë me thikë ish-pronaren e hotelit ku punonte
Jeta në Austri
-
Kombëtarja shqiptare vendoset në Grac të Austrisë Në Austri kombëtarja do të qëndrojë deri më 8 qershor...
-
Gjashtë gjëra që duhet t’i dini për vizitat te mjeku në Austri
-
Kur janë pushimet shkollore në Austri në vitin 2024?
-
A është më mirë të marrësh me qira apo të blesh pronë në Austri tani?
-
Presidentja Osmani arrin për vizitë në El Salvador, pritet me ceremoni shtetërore