Arrestohet shqiptari, i cili 13 vjet më parë theri katër persona me thikë

Shqiptari ishte 21-vjeçar në atë kohë dhe akuzohet se ka therur katër persona me thikë, në një diskotekë. Ai është ekstraduar në Gjermani dhe ndaj tij kanë nisur hetimet

Foto ilustrim

Mediat gjermane kanë bërë të ditur se një shqiptar është arrestuar në Belgjikë dhe është ekstraduar në Gjermani, pasi ai akuzohet se ka marrë pjesë në një rrahje e therje me thika në një diskotekë në Piene të Gjermanisë, ku mbetën të lënduar katër persona, përcjell albinfo.ch.

“Epochtimes.de” dhe “news38.de”, raportojnë se ngjarja kishte ndodhur rreth 13 vjet më parë.

Shqiptari ishte 21-vjeçar në atë kohë dhe akuzohet se ka therur katër persona me thikë, në një luftë thikash si është quajtur. Ai është ekstraduar në Gjermani dhe ndaj tij kanë nisur hetimet.

Ngjarja kishte ndodhur në tetor të vitit 2004, ku ai kishte mosmarrëveshje me një turk, derisa më pas dy grupe janë përfshirë në një rrahje masive. Katër persona ishin të plagosur, si dhe kundërshtari i tij. Ai kishte shkuar në Shqipëri, derisa ishte lëshuar një fletarrest ndaj tij. Shqiptari akuzohet për vrasje në tentativë.