Ardiani dhe Zazou, pak më tepër se miqësi

Në shoun e madh “Gjermania kërkon super yllin” situata po bëhet gjithnjë e më e nxehtë. Mediat gjermane shkruajnë se Anna-Carina nuk është më atje dhe ajo zbulon raportet në “DSDS” e sidomos të zviceranes Zazou dhe kosovarit Ardian Bujupi. Sipas saj,  midis Zazou Mall nga Curihu dhe Ardian Bujupit (19) ekziston një miqësi që është pak më shumë se sa ajo e zakonshmja: “Këtu fshihen shumë gjëra dhe ka shumë gënjeshtra.

Zazou dhe Ardiani, ata tashmë kohë të gjatë kanë marrëdhënie seksuale në shtëpizë. Kjo është duke ndodhur tashmë dy javë”. Tashethemet për një marrëdhënie midis Zazou dhe Ardianit kishin fillyar qysh javën e kaluar, prej se RTL kishte publikuar foto të dy shtretërve individualë të bashkuar në shtëpizë. Por, Zazou dhe Ardiani e kishin demantuar një gjë të tillë, pas pyetjes së Marco Schreyl (37) gjatë të shtunës së kaluar, nëse atje është duke ndodhur ndonjë gjë. Ardiani kishte deklaruar: “Ne jemi vetëm miq të mirë”.

Nga ana tjetër Zazou ka plotësuar: “Jo, asgjë nuk ka më tepër midis nesh”. Anna-Carina ka një këndvështrim tjetër: “Kjo që ata dy nuk pranojnë asgjë, është qesharake. Ndoshta se në mes tyre nuk ka dashuri, por vetëm një çështje trupore”, përfundon ajo e revoltuar.