Anija shqiptare asiston në shpëtimin e gomones me emigrantë

Anija shqiptare ‘Butrinti’, në bashkëpunim me rojën bregdetare turke e greke kanë shpëtuar një gomone me 36 persona në Detin Egje, ka njoftuar Ministrja shqiptare e Mbrojtjes, Olta Xhaçka, e cila tha se 12 prej të shpëtuarve ishin fëmijë dhe 15 gra.

“Anija shqiptare Butrinti vijon punën e mirë të simotrës së saj Oriku në detin Egje. Në bashkëpunim me rojën bregdetare turke e greke kanë shpëtuar një gomone me 36 persona në bord, 12 prej të cilëve fëmijë, 15 gra. 36 emigrantët e nisur nga brigjet turke iu dorëzuan rojës bregdetare greke për të vijuar procedurat në ishullin Kios”,  ka shkruar ministrja në rrjetet sociale, transmeton albinfo.ch.