Fun
Angjela Martini: Në këtë botë të shfrytëzon secili
Modelista e njohur shqiptare, Angjela Martini, ka dhënë një intervistë për "Blick", në të cilën ka folur për mungesën e saj në dy vjetët e fundit në skenë, për profesionin si modeliste dhe për dashurinë
E filloi modelimin në moshën 18-vjeçare, ndërsa linja e saj e veshjeve të brendshme u bë e njohur në gjithë botën. Në vitin 2010 bukuroshja shqiptare e rritur në Zvicër, Angjela Martini, përfaqësoi Shqipërinë në “Miss Univerese”, ku zuri vendin e gjashtë. Angazhimet e saj të njëpasnjëshme, por edhe jeta private e bën që jo rrallë të jetë në faqet e gazeta të njohura në botë. Më pastaj në dy vjetët e fundit ajo u zhduk nga skena: ” Dy vjetët e fundit kisha rënie në karrierë. Nuk munda më shumë të fokusohem në punën time. Arrita aq lart, sa që as vetë nuk e dija se ku kisha arritur”, ka thënë Angjela Martini në një intervistë për gazetën “Blick”, transmeton albinfo.ch. Bukuroshja shkodrane ka theksuar se e njeh shumë mirë botën e modelimit dhe tashmë nuk është e re në këtë biznes. “Unë nuk jam e re në këtë biznes. Me mua nuk mundeni të luani. Unë bëj me shumë qejf fotografi seksi, por i kam të vendosur qartë kufijtë e mi”, është shprehur Martini, e cila viteve të fundit është shpërngulur për të jetuar në Nju-Jork.
Në pyetjen se ju keni marrë një ofertë për t’u fotografuar nga revista e njohur “Playboy”, Angjela përgjigjet: “Një ofertë? (qesh). Ata më thërrasin çdo tre muaj, por unë nuk dua të tregoj trupin tim lakuriq. Ndoshta pas moshës 35-vjeçare, nëse atëherë ka dëshirë të më shohë ndokush”, ka thënë ajo.
Më tej Angjela ka folur edhe për “incidentin” e ndodhur në vitin 2011, kur gjatë një defilimi në tepihun e kuq ajo u shfaq me një fustan të gjatë, por pa të brendshme, gjë që fotografitë e saj morën dhenë: “O Zot, ishte e turpshme”, thekson ajo dhe ka shtuar: “Nuk e kam bërë me qëllim. Por besoj se kjo më ka bërë më të fortë. Jo gjithmonë gjërat në jetë shkojnë sipas planifikimit”, sqaron Angjela, e cila thotë se në këtë jetë duhet shfrytëzuar secilin. “Nëse ty nuk dëshiron askush për të të shfrytëzuar, ti nuk je askushi. Më fjalë të tjera, për aq kohë sa jam e shfrytëzueshme, unë nuk jam e padobishme. Këtë nuk duhet ta merrni personale…”, pohon ajo.
Angjela tregon se nuk ka një punë të rregullt dhe puna e modelimit nganjëherë i sjell përfitime të majme, por nganjëherë nuk fiton asgjë.
Ndërkaq lidhjen me milionerin turk, Ali Baran, ajo nuk e ka mohuar, por thotë se në një lidhje nuk fal tradhtinë dhe gënjeshtrën.
E për të ardhmen e saj, Angjela ka thënë: “Nuk e shoh veten si modeliste, por si një linjë e veshjeve “Angela Martini”. Në Facebook kam 750 mijë fansa dhe dëshiroj të përfitoj nga ta. Në mars do të filloj online të bëj prezantimin e linjave të mia të bikini “Angela Martini”. Do të jetë një fillim i ri”, ka potencuar shqiptarja Martini.
Ndryshe Angela të shtunën mbrëma ka qenë mysafire speciale në diskotekën më të njohur shqiptare në Zvicër “Rinora 4”, nga ku fansat e saj kanë mundur të bëjnë edhe fotografi me të.
Albinfo.ch
Të tjera nga Fun
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Austri
-
Gjithçka që ndryshon në Austri nga muaji maj Nga grevat dhe protestat, deri te festat publike (që janë shumë), këtu janë gjërat që do...
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë