Lajme

Vaksinohen kundër koronavirusit disa majmunë në Kaliforni

E premte, 5 Mars 2021 - 15:50 albinfo.ch

Nëntë majmunë të mëdhenj në një kopsht zoologjik në Kaliforni u vaksinuan kundër coronavirusit. Zyrtarët në San Diego thanë se katër orangutangë dhe pesë bonobos morën vaksinën, javëve të fundit.

Kafshët i morën nga dy doza të një vaksine eksperimentale, të dizajnuar fillimisht për qen dhe mace, tha zëdhënësja e kopshtit zoologjik, Darla Davis, për agjencinë e lajmeve Reuters.

Vaksinat u miratuan, pasi tetë gorilla në një tjetër kopsht të San Diegos u infektuan me koronavirus në janar.

Rasti shënoi transmetimin e parë të njohur të virusit te majmunët e mëdhenj.

Vaksina u zhvillua nga kompania farmaceutike veterinare Zoetis, por nuk u testua te majmunët.

Në komunitetin njerëzor, coronavirusi ka prekur mbi 115 milionë vetë.

Prej tyre, mbi 2.5 milionë kanë humbur jetën dhe mbi 65 milionë janë shëruar.

Shtetet e Bashkuara janë vendi më i prekur në botë, me mbi 28 milionë të infektuar dhe mbi 520,000 viktima.

 Të ngjashme

Kush duhet të marrë një vaksinë shtesë për Covid në Zvicër?

 Të tjera nga Lajme

Dita e 39-të: Protestuesit marshojnë sërish në rrugët e Tiranës

 E-Diaspora

 Jeta në Austri