Ambasadori i OSBE-së kërkon reformë zgjedhore që përfshin edhe diasporën

“Urime për detyrat e reja dhe shpresoj që në këtë mandat të shtyhet përpara reforma zgjedhore dhe pjesëmarrja e diasporës të jetë më e lartë se deri më tani”, ka porositur, shefi i Misionit të OSBE-së në Kosovë, Ian Braathu

Zëvendëskryeministri dhe njëherësh ministri i Diasporës, Dardan Gashi priti në takim ambasadorin e OSBE-së në Kosovë, Ian Braathu me të cilin bisedoi për reformën zgjedhore dhe pjesëmarrjen e diasporës në zgjedhjet e Republikës së Kosovës. Në këto takim u konsiderua e rëndësishme që të shtyhet përpara reforma zgjedhore e cila i jep rëndësi të veçantë diasporës në zgjedhje dhe vendimmarrje.

“Urime për detyrat e reja dhe shpresoj që në këtë mandat të shtyhet përpara reforma zgjedhore dhe pjesëmarrja e diasporës të jetë më e lartë se deri më tani”, ka porositur, shefi i Misionit të OSBE-së, Ian Braathu.

Nga ana tjetër, ministri Gashi e ka informuar ambasadorin për proceset e qeverisë dhe Ministrisë së Diasporës dhe Investimeve Strategjike.

“Po besojmë që zgjedhjet e ardhshme do të mbahen pas reformave zgjedhore që duhet të bëhen. Me reformat zgjedhore do të rregullojmë dhe formën e votimit të diasporës e cila merr pjesë në numër më të vogël se 10% në procesin zgjedhor”, ka thënë Gashi, thuhet në komunikatën për emdia lëshuar nga Zyra e ministrit Gashi.

Gjatë këtij takimi është fol dhe për rolin e diasporës kosovare në tërheqjen e investimeve strategjike në Kosovë, transmeton albinfo.ch.