Lajme
Ambasada e Kosovës në Berlin organizoi event festiv për përvjetorin e 16-të të Pavarësisë së Kosovës
Bëhet e ditur se Ambasada e Kosovës në Berlin organizoi event festiv për përvjetorin e 16-të të Pavarësisë së Kosovës, me shumë mysafirë, shkruan albinfo.ch.
Në një atmosferë kremte, Ambasada e Republikës së Kosovës në Berlin ka organizuar pritjen zyrtare me rastin e shënimit të 16-vjetorit të Pavarësisë së Kosovës, me të ftuar të shumtë nga institucionet gjermane, sikurse ministri Federal për Ushqim dhe Bujqësi, Cem Özdemir, Sekretarët e Shtetit, Margit Gottstein, dhe Florian Hauer, mbi 30 deputetë të Bundestagut gjerman, përfaqësues të korit diplomatik, si dhe bashkatdhetarë tanë.
Para të pranishmëve, Ambasadori Ajeti vlerësoi lart marrëdhëniet e shkëlqyera tradicionale dhe historike ndërmjet dy shteteve në këtë 16-vjetor të shtetësisë dhe të vendosjes së marrëdhënieve diplomatike ndërmjet Kosovës dhe Gjermanisë, si dhe rolin e mërgatës si urë lidhëse mes dy shteteve.
Në emër të Qeverisë Federale të Gjermanisë foli ministri Federal për Ushqim dhe Bujqësi, Cem Özdemir, i cili rikonfirmoi mbështetjen e Gjermanisë për Kosovën dhe progresin e arritur ndër vite. Ai përgëzoi Kosovën për orientimin e saj të qartë euroatlantik dhe dënoi agresionin serb në Banjskë ndaj Republikës së Kosovës.
Programi i ceremonisë zyrtare ishte i plotësuar me performancën e Orkestrës Frymore të Forcës së Sigurisë së Kosovës, si dhe me ekspozitën “Gjurmë Lashtësie“ të piktores Amire Demolli.
E-Diaspora
-
Në Zvicër u mblodhën mbi 37 mijë euro në edicionin e 6-të të ngjarjes filantropike Save a Life! Çmimi “Champion for Mother and Children” iu dhurua z. Sevdail Tahiri, si mbështetës i madh i...
-
Zvicër: Kjo anije është rezervuar për shqiptarët
-
Prezantohet në Vjenë platforma “Made in Kosova“
-
Shaqiri lë pas dëmtimin, i gatshëm për Evropianin
-
“Alba Festival” mbahet në zemër të Cyrihut me “Line Up-in” më të mirë ndonjëherë
Jeta në Austri
-
Prezantohet në Vjenë platforma “Made in Kosova“ Vjenë: U bë degustimi i verërave nga Kosova...
-
Austri: Të paktën 300 kocka vigane janë gjetur në një bodrum shtëpie
-
Austri: Përmbledhje e lajmeve më të fundit të ditës së sotme
-
Austria po përballet me mungesë të madhe të punëtorëve të kualifikuar
-
Boksieri Bernardin Jakaj, i gatshëm për meçin e së shtunës në Vjenë