Aksidentet në transportin publik të Cyrihut trefishohen brenda një dekade

Rrjeti i dendur i transportit dhe ndarja e korsive mes mjeteve konsiderohen ndër shkaqet kryesore të rritjes së aksidenteve.

Numri i aksidenteve që përfshijnë tramvajet dhe autobusët në Cyrih është trefishuar gjatë dhjetë viteve të fundit, duke u kthyer në një shqetësim në rritje për autoritetet dhe qytetarët, transmeton albinfo.ch.

Sipas të dhënave të reja, aksidentet, përfshirë edhe ato me pasoja fatale për pasagjerët ose këmbësorët, po ndodhin gjithnjë e më shpesh.

Një nga arsyet kryesore të kësaj rritjeje është se kantoni i Cyrihut ka rrjetin më të dendur të transportit publik në Zvicër, gjë që rrit ndjeshëm ngarkesën në komunikacion.

Po ashtu, në shumë pjesë të qytetit, mjete të ndryshme të transportit ndajnë të njëjtat korsi, duke rritur rrezikun e përplasjeve dhe aksidenteve. Kjo situatë ka shtuar shqetësimet për sigurinë në transportin publik dhe nevojën për masa parandaluese. /Albinfo.ch

---