Aksident trafiku me makinën e vjedhur në Itali, 2 shqiptarë të vdekur e 1 i lënduar rëndë

Një aksident tragjik ndodhi mbrëmjen e 16 marsit në Via Casilina, mes Colleferro dhe Anagni. Dy të rinj me origjinë shqiptare humbën jetën si dhe personi i tretë i plagosur rëndë.

Sipas Roma Today, të tre, pak pas orës 22, po udhëtonin me një BMW të zezë, e cila ishte raportuar e vjedhur në drejtim të Colleferro, kur shoferi humbi kontrollin e makinës.

Aty ka ndodhur përplasja, ku vetura është përmbysur, duke e nxjerrë të plagosurin nga kabina e pasagjerëve. Pasi ka përfunduar jashtë rrugës, makina ka marrë flakë, ku dy viktimat kanë ngecur mes fletëve të metalit.

Përveç karabinierëve nga kompania Colleferro, në vendngjarje kanë ndërhyrë edhe zjarrfikësit dhe ambulancat, të cilat nuk kanë mundur të bëjnë gjë tjetër veçse konfirmojnë vdekjen e të dyve.

I plagosuri u transportua me kodin e kuq në Colleferro. Trupat u dërguan në morgun e Poliklinikës Tor Vergata, ku u identifikuan falë edhe gjurmëve të gishtërinjve. Sipas asaj që bëri me dije policia, në kapakun e makinës u gjetën mjete për vjedhje.