Lajme

Aksident në Gjermani, 7 të vdekur dhe 12 të plagosur

E premte, 13 Tetor 2023 - 14:00 albinfo.ch

Raportohet se një aksident tragjik ka ndodhur gjatë natës në Gjermani. Sipas mediave të huaja, një furgon me emigrantë ka humbur kontrollin dhe është kthyer përmbys, e për pasojë 7 persona kanë humbur jetën dhe 12 të tjerë kanë mbetur të plagosur, përcjell albinfo.ch.

Aksidenti ndodhi në autostradën A94, në lindje të Mynihut. Furgoni mbante rreth 20 emigrantë, përfshirë fëmijë. Shtatë persona vdiqën pasi furgoni u përmbys disa herë, ndërsa pasagjerët e mbetur pësuan lëndime të lehta deri në të rënda dhe u dërguan në spitalet rajonale.