Ajeti, e ardhmja e Zvicrës

Kubilay Türkyilmaz është shprehur se sulmuesi shqiptar Albian Ajeti është e ardhmja e Zvicrës

21-vjeçari Albian Ajeti debutoi të shtunën për Zvicrën. Në ndeshjen e parë arriti të shënojë. Një lojtar me të ardhme të ndritur ka thënë kolumnisti i ‘Blick’, Kubilay Türkyilmaz, gjithashtu ish-futbollist i Zvicrës, përcjell albinfo.ch.

“Nuk do ta krahasoja me asnjë sulmues. Ai e ndjen ‘erën e golit’. Gjithashtu është shumë i mirë dhe e kontrollon shumë mirë topin”, ka thënë ish-sulmuesi i Zvicrës.

Sulmuesi shqiptar ka edhe veti tjera të mira. “Ai gjithashtu përshtatet në skemat nga Vladimir Petkoviq me Xherdan Shaqirin, i cili luan si 10-sh. Ka shumë topa në zonë, dhe Ajeti mund t’i shfrytëzojë”, shtoi tutje Türkyilmaz.

“Për të gjitha këto arsye, ai është e ardhmja e Zvicrës. Ka të ardhmen përpara. Ne nuk kemi super lojtarë me klasë, por kemi lojtarë të mirë, që luajnë mirë së bashku”, shtoi tutje ai.

Zvicra do të luajë sonte miqësoren me Anglinë si mysafire nga ora 21:00.

---