Abdixhiku aludon se nga mbi 100 mijë të regjistruar për votim nga diaspora, 40 mijë janë mbështetës të LDK-së 

Kreu i LDK-së Lumir Abdixhiku përmes një postimi në Facebook ka thënë se deri më tani janë regjistruar 105 mijë persona nga diaspora për të votuar. Sipas tij, mes tyre janë 40 mijë mbështetës të LDK-së.

“Plot 105,000 të regjistruar, nga të gjitha etnitë; tani që kanë mbetur vetëm edhe një orë e gjysmë. Ju faleminderit secilit për angazhimin e treguar qytetar në këtë proces demokratik. Të 40 mijë mbështetësve tanë, ndërsa, të regjistruar deri në këto orë, ju faleminderit nga zemra që po shënoni hapin e parë në fitoren e parë elektorale! Fjalët më mbesin të mangëta për t’iu shprehur gjithë mirënjohjen tonë për ringritjen e djathtë tuajën. Por sonte, LDK ka festë!”, shkruan mes tjerash kreu i LDK-së.