Futbolli Shqiptar në Zvicër
A po mësohen shqiptarët të luajnë Fairplay
Janë dy probleme më mprehta që sfidojnë seriozisht suksesin e klubeve shqiptare: mjetet e vogla buxhetore dhe mungesën e disiplinës në fushë ndaj vendimeve të arbitrit
Klubet shqiptare kanë një histori jo më shumë se 30 vjeçare të futbollit aktiv në Zvicër. Në të kaluarën ato janë ballafaquar me probleme të mëdha disiplinore. Shumë ndeshje i kanë humbur forfait dhe po ashtu nuk kanë munguar rastet kur janë përjashtuar nga liga për shkak të dhunës fizike në fushë.
Nga hulumtimet e bëra, kemi veçuar dy probleme më mprehta që sfidojnë seriozisht suksesin e klubeve shqiptare: mjetet e vogla buxhetore dhe mungesën e disiplinës në fushë ndaj vendimeve të arbitrit.
Të gjitha problemet disiplinore në futbollin zviceran futen në paketën Fair-Play, e cila aktualizohet për çdo vit përmes një statistike të Federatës së Futbollit Zviceran dhe nga më shumë se 900 klubet amatore, vetëm FC Prishtina Bern figuron në mesin e 100 klubeve më të disiplinuara zvicerane, duke qenë e 45-ta në renditje. Mirëpo kjo statistikë ndryshon kur bëhet fjalë për ekipe brenda të njëjtit klub. FC Diaspora, në këtë rast, ka marrë vitin e kaluar çmimin Fairplay, si ekipi më i disiplinuar në kantonin Jura.
Pavarësisht statistikave, futbolli i ekipeve shqiptare ka ndryshuar për të mirë – të rinjtë e gjeneratës së dytë luajnë qetë e pa zhurmë të madhe. Kjo për shkakun se shumë klube kanë marrë masa rigoroze ndëshkimore për futbollistët që nuk respektojnë vendimet e arbitrit, sepse për ekipet me pikë të barabarta, llogaritët numri i kartonave dhe jo më golaverazhi.
Klubet shqiptare janë të organizuara po ashtu edhe përmes Unionit të Klubeve Shqiptare të Futbollit në Zvicër, i jetësuar në fund të vitit 2014 me emblemen që mban mbishkrimin UKSHFZ. Unioni ka organizuar deri më tani dy herë turnirin «Kupa e Unionit». Aktivitete tjera dhe sidomos një afrim me Federatën e Shqipërisë apo Kosovës, ku do të mund të organizoheshin stërvitje për zbulimin e talentëve të rinj, nuk vërehen. Siç nuk vërehet ndonjë mbeshtetje konkrete apo një lloj sponzorizimi për klubet shqiptare të juniorëve nga futbollistët profesionistë me prejardhje shqiptare që luajnë për Zvicrën e në shumë top-klube evropiane. Sa për ilsutrim, lojtari i Barcelones, Ivan Rakitiç, sponzorizon (e ka si Patenschaft) një ekip të juniorëve kroatë në Zvicër.
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Austri
-
Gjithçka që ndryshon në Austri nga muaji maj Nga grevat dhe protestat, deri te festat publike (që janë shumë), këtu janë gjërat që do...
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë