A do të dëbohet sërish reperi Besko?

Nëse Besko do të jetë i pandehuri i parë kosovar, i cili do të vuajë dënimin në vendin e tij, kjo mbetet të shihet

Reperi nga Kosova, Besjan Kacorraj-Besko, sërish ka shkaktuar skandal në Zvicër. Ai dyshohet se ka grabitur një zyrë postare në Dübendorf të Cyrihut gjatë pushimit të tij në Zvicër javën e kaluar, përcjell albinfo.ch.

Ai edhe më parë ka qenë i dënuar, derisa ishte dëbuar në Kosovë. Nëse ai dënohet, Zvicra mund ta vendosë atë në një burg në Kosovë, shkruan ‘Blick’.

Për këtë Zvicra ka një marrëveshje të nënshkruar me Kosovën, që nga viti 2014.

Ekzekutimi i dënimeve jashtë vendit është shumë më i lirë dhe burgjet lokale lehtësohen. Edhe vetë të dënuarit mund të përfitojnë nëse bien dakord për një transferim. Për ata që janë deportuar në atdheun e tyre gjithsesi pas dhënies së dënimit me burg, është më mirë për risocializimin nëse ata tashmë janë në burg atje, përcjell albinfo.ch.

Megjithatë, kjo duket vetëm teorike, sepse sipas Zyrës Federale të Drejtësisë deri më tani asnjë i dënuar nuk është dëbuar kundër vullnetit të tij.

Por, edhe me vendet tjera, situata është pothuajse e njëjtë.

Që nga viti 2014, vetëm gjashtë të huaj që janë dënuar, janë dëbuar kundër vullnetit të tyre.

Gjithsesi situata është e ndryshme, dhe që nga viti 2008, Zvicra ka paraqitur 385 kërkesa, ku vetëm gjysma e tyre kanë pasur sukses. Kjo vlen edhe anasjelltas.

Kantonet kanë disa rezerva dhe varet nga kantoni nëse e ekstradon apo jo.

Nëse Besko do të jetë i pandehuri i parë kosovar, i cili do të vuajë dënimin në vendin e tij, kjo mbetet të shihet.

---