Zhvillim
Vjollca Hajdari: “Inskenime për shpërqendrim nga problemet e vërteta”
Janë tri çështje që dëmtojnë dhe kamuflojnë gjenden e vërtetë në Kosovë: Përhapja e rrymës dhe kinse ndikimi islamik në tokat tona, me qëllim që shqiptarët të paraqiten si fundamentalistë, terroristë, antievropianë dhe armiq të perëndimit; Ikja masive e shqiptarëve dhe emërtimi i tyre pezhorativ si "refugjatë ekonimik" dhe inskenimi neveritës dhe tragji-komik në Parlamentin e Kosoves i cili po shërben në mënyrë ironike si lajm në të gjitha mediet tona dhe ato ndërkombëtare.
Situata momentale aktuale nuk më befason aspak, edhe pse ndjej shumë dhimbsuri per gjendjen tragjike që po e përjeton vendi im. Gjithmonë kur Kosova është ndodhur para vendimeve substanciale për të ardhmen e saj, ka pasur përpjekje që të projektohen skenarë të ndryshëm, për të shpërqendruar vëmendjen ndaj ngjarjeve të vërteta, sic është ndarja e pjesës Veriore, gjegjësisht Mitrovicës, krijimi i bashkësive serbe dhe gllabërimi i gjithë burimeve ekonomike, në krye me Trepçën.
Janë tri çështje që dëmtojnë dhe kamuflojnë gjenden e vërtetë në Kosovë: Përhapja e rrymës dhe kinse ndikimi islamik në tokat tona, me qëllim që shqiptarët të paraqiten si fundamentalistë, terroristë, antievropianë dhe armiq të perëndimit; Ikja masive e shqiptarëve dhe emërtimi i tyre pezhorativ si “refugjatë ekonomikë” dhe inskenimi neveritës dhe tragji-komik në Parlamentin e Kosoves i cili po shërben në mënyrë ironike si lajm në të gjitha mediet tona dhe ato ndërkombëtare.
Të gjithë e dimë se në një parlament funksional shtetëror është e pamundur të futen mjete të rrezikshme, si armë të ndryshme apo gazi lotsjellës në këtë rast. Për të gjithë ata që kanë qasje në organe shtetërore, apo në këtë rast parlamënti, e që kanë parakaluar vet përmes aparateve të kontrolles, janë të vetëdijshëm se bartja e gjësendeve të dyshimta verifikohet menjëherë. Tani paraqitjet teatrale të akterëve – marioneta – politike pa dallim partish, nuk më duket asgjë tjetër, përpos një inskenim i dobët infantil, që është përgatitur në formë shumë joprofesionale nga qarqe të caktuara ndërkombëtare.
Gjithë ky inskenim artificial është duke u bërë me qëllim që të fokusohet vëmendja në këtë pseudo ngjarje e të mos raportohet për problemin kyç në Kosovë: faktin se Serbia në prapaskenë po përgatit ndarjen dhe konsolidimin e asociacioneve serbe në heshtje.
Më duket shumë tragjike, që për të çuar deri në fund këtë skenar dëmtues, janë duke u keqpërdorur të gjitha ato figura politike, të cilat në 80% të rasteve janë shumëcka, por jo politikanë të denjë. Burgosjet aktuale të akterëve politikë janë pjesë e këtij skenari të shpifur dhe kamuflues.
Dhimbja dhe solidariteti im shkon në drejtim të popullit, i cili i dërrmuar deri në palcë nga varferia dhe kolapsi ekonomik, është i irituar dhe apatik. Fundja, ky ka qenë edhe qëllimi: një popull që vuan për bukën e gojës, nuk do të ketë fuqinë të ngrejë zërin. Këtë e di politika vendase, e në veçanti bashkësia ndërkombëtare, e cila me bllokadat e saj e ka sjellë krizën deri këtu. Zatën Bertold Brecht ka thënë. “Së pari jepi popullit bukë të hajë e pastaj krijo demokraci”. Unë në këtë rast do të thosha, “e pastaj mundëso participimin e popullit në politikë dhe fuqizo zërin e tij”.
Situata aktuale në Kosovë merr një nuancë edhe më neveritëse kur në skenë paraqiten si këpurdhat prononcimet qesharake të ambasadorëve të huaj, të cilët, duke menduar se populli po ha bar, postojnë leksionet e tyre për të mësuar qytetarët se si duhet të sillen apo menaxhojnë këtë gjendje. Nëse këta ambasadorë brengosen aq shumë për gjendjen në Kosovë, përse nuk doli asnjë prej tyre të komentojë rastin e Hazir Feratit, i cili mbeti i vetëm në luftën për të mbajtur shtëpinë në pjesën veriore të Mitrovicës? Ky moral i dyfishtë i tyre bëhet edhe më ironizues, kur të tilla si këto, zyrtarizohen si lajme në mediet dhe shtypin tonë.
Vjollca Hajdari është politologe dhe publiciste, zyrtare për Ballkanin dhe Evropën Juglindore në Këshillin për Bashkëpunim global në Berlin
Të tjera nga Zhvillim
E-Diaspora
-
9-vjeçarja Moda Ademi performoi në koncertin Rock Pop Jazz Night Para një pjesëmarrje të madhe të publikut, 9-vjeçarja shqiptare, Moda Ademi, performoi në koncertin Rock Pop...
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
Jeta në Austri
-
80 vjedhje, 560 mijë euro dëm: Arrestohen katër shqiptarë në Austri Sipas policisë, në shumicën e vjedhjeve të banesave, viktimat kanë qenë të pranishëm dhe në gjumë...
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri