Me zbatimin e “iniciativës…” do të dëboheshin më shumë të huaj

Si bazë referimi për këtë krahasim është situata hipotetike kur do të ishte parlamenti ai që do të vendoste për jetësimin e iniciativës së përmendur dhe jo populli me votën e tij

Në rast se shumica e popullit dhe shumica e kantoneve në referendumin që do të mbahet më 28 shkurt 2016 për jetësimin e iniciativës (të votuar në vitin 2014) kundër migracionit masiv, do të votonte pro, kjo do të shtonte dukshëm numrin e të huajve që duhet të dëbohen nga Zvicra. Si bazë referimi për këtë krahasim është situata hipotetike kur do të ishte parlamenti ai që do të vendoste për jetësimin e iniciativës së përmendur dhe jo populli me votën e tij.

Zyra Federale për Statistikë ka ardhur në këtë përfundim duke numëruar se sa persona të dënuar me prejardhje të huaj, të dënuar gjatë vitit 2014 do t`i plotësonin kushtet për t`u dëbuar. Numërimi është bërë duke u mbështetur në kriteret e shpallura nga parlamenti për zbatimin e iniciativës kundër migracionit masiv dhe iniciativës për jetësim.

Zyra Federale e Statistikës e ka publikuar së fundi analizën lidhur me këtë që u tha më lart, ndërsa për të kanë raportuar të dielen  gazetat «SonntagsZeitung» dhe «Le Matin Dimanche».