Gjykata Federale vërteton dënimin e politikanit për kërcënim të myslimanëve

Kushdo që përmes tweeter-it përhap tekste me përmbajtje urrejtjeje nuk ka të drejtë që të mbështetet në të drejtën e lirisë së mendimit. Këtë qëndrim e ka shpallur sot Gjykata Federale e Zvicrës në një vendim gjyqësor të saj. Bëhet fjalë për vërtetimin e dënimit të shqiptuar më herët nga një gjykatë më e ulët për një politikan lokal të SVP-së.

Ky i fundit, përmes tweeterit kishte shkruar kështu: “mbase sërish na nevojitet një natë kristalesh. Küesaj here për xhamitë”. Me “natë kristalesh” kuptohet simbolikisht nisja e fushatës së shfarosjes së hebrenjve para Luftës së Dytë Botërore në Gjermaninë e atëhershme naziste.

Gjykata Federale në arsyetimin e vendimit të saj shkruan veç tjerash se në rastin e përhapjes së lajmeve përmes tweeter-it nuk mund të bëhet fjalë për një “shprehje të pasherr”. Kjo sepse i dënuari me atë rast u ka mohuar myslmanëve të drejtën për ekzistencë dhe ka justifikuar krimet kundër njerëzimit.

Me këtë vendim, Gjykata Federale ka vërtetuar dënimin me gjobë prej 1800 frangash për politikanin e përmendur.