Mbi 3 mijë të papunë më shumë në Zvicër

Shkalla e papunësisë në Zvicër në tetor arriti në 3.3 për qind. Bëhet fjalë për 0.1 pikë përqindje më shumë se në muajin e kaluar.

Numri i të papunëve të regjistruar në tetor u rrit në 141.269, thotë Sekretariati i Shtetit për Ekonominë (SECO).

Bëhet fjalë për një rritje prej 3043 personave në krahasim me muajin shtator, ndërsa në krahasim me muajin tetor 2014, numri i aplikantëve për punë u rrit me 6.7 për qind, ose rreth 8,872 persona.

Papunësia në mesin e të rinjve (15-24 vjeç) në muajin e raportimit ishte në rënie dhe atë me 3.9 për qind, në 808 persona, ndërsa në baza vjetore është ende në rritje me një normë prej 5.8 për qind.