Rrëzohet në Egjipt aeroplani rus me 224 veta në bord

Një aeroplan rus i udhëtarëve është rrëzuar gjatë fluturimit mbi gadishullin e Sinajit në Egjipt. Rrëzimin e ka konfirmuar zyra e kryeministrit egjiptian Scharif Ismail në Kajro.

Sipas deklaratës së një përfaqësuesi të autoritetve ajrore të Egjiptit dhënë agjencisë së lajmeve AFP, mbi Sinaj janë ndërprerë të gjitha kontaktet me aeroplanin çarter rus. Në bord ishin 217 udhëtarë, shumica rusë dhe personeli prej shtatë vetash. Në mesin e udhëtarëve ishin edhe 17 fëmijë

Autoritetet ajrore ruse kanë sqaruar se aeroplani i tipit Airbus A-321 ishte duke fluturuar nga vendi i njohur për turizëm bregdetar Sharm al-Sheikh drejt Petersburgut.