Ardhacakët nuk rrezikojnë vendet e punës të vendësve

Keystone

Frika se të huajt që vijnë nga Italia dhe vendet tjera ua marrin vendet e punës zviceranëve në kantonin e Tesinës, është e pabazuar.

Kështu konstaton një studim i Univeristetit Italian të Tesinës USI. Sipas këtij studimi, ardhja e të huajve, kryesisht atyre që jetojnë në anën tjetër të kufirit, në Itali nuk ka ndonjë ndikim të veçantë në fushën e punësimt.

Si rezultat, liria e lëvizjes që Zvicra e praktikon me shtetet e BE-së nuk e shton rrezikun për mbetje pa punë të zviceranëve.

Por megjithatë nuk duhet përjashtuar mundësinë se në raste individuale punëtorë zviceranë të humbasin punën dhe të zëvendësohen nga të huajt. Mirëpo nuk vihet re ndonjë presion sistematik në atë drejtim, përfundon studimi.