Admir Mehmedi ia siguron një pikë Leverkusenit

Sulmuesi shqiptar, Admir Mehmedi, ia ka siguruar të martën një pikë të rëndësishme ekipit të tij, Bayern Leverkusen, kundër Romës së Italisë. Ai shënoi në minutat e fundit të ndeshjes për të barazuar rezultatin 4-4.

Kjo ndeshje, e cila ishte më e bukura e xhiros së tretë të Ligës së Kampioneve, solli shumë spektakël dhe emocion për publikun. Në fillim ishte Bayern Leverkusen që me sulmuesin Hernando Chicharito shënoi dy gola, më pas radha i erdhi bombardimeve romake, të cilët me dygolëshin e De Rosit barazuan rezultatin dhe kështu të dy ekipet mbyllen pjesën e parë.

Romakët vazhduan sulmin edhe në pjesën e dytë duke shënuar edhe dy gola të tjerë, një nga Pjanic dhe tjetri nga Flaque. Dhe, kur loja ishte duke shkuar kah minutat e fundit, shpirti luftarak gjerman tregoi se loja nuk përfundon deri në fishkëllimën e fundit të gjyqtarit. Në minutën e 84 për Leverkusen shënon Kampl, për të vazhduar dy minuta më vonë edhe me golin tjetër të shënuar nga reprezentuesi shqiptar i Zvicrës, Admir Mehmedi.

Pas këtij barazimi, Leverkusen ruan pozitën e dytë më 4 pikë, ndërsa Roma mbetët në vendin e fundit me 2 pikë.