Zvicra, 5.2% më pak eksport

Në tremujorin e tretë ekonomia e Zvicrës ka përsëritur nga tremujori paraprak bilancin negativ sa i përket eksportit. Sipas Drejtorisë Federale të Administratës Doganore, eksportet kanë shënuar një rënie prej 5.2%, ndërkohë që importet janë ulur edhe më shumë, gjegjësisht  për 10.1%.

Rënia më e madhe e eksporteve është shënuar në industrinë e makinave dhe atë elektronike si dhe në industrinë e letrës dhe grafike. Më pak është eksportuar edhe duhani dhe kafeja.

Në këtë sfond të zvogëlimit të eksporteve, përjashtim bën shitja e mallrave nga Zvicra në Amerikën Veriore dhe në Oqeani.

Ndërsa rënia më e madhe e eksporteve zvicerane është regjistruar në Azi, që ndryshe është importuesi i dytë më i madh i mallrave nga Zvicra.