Kroacia hapi kufijtë për refugjatët

Kroacia hapi kufirin me Serbinë të hënën pasdite, duke lejuar kalimin e 3 mijë emigrantëve që më parë kishin mbetur të bllokuar në mot të ftohtë dhe me shi të dendur për afro dy ditë.
Melita Sunjic, një zëdhënëse e agjencisë së OKB-së për refugjatët, UNHCR, që ndodhet në pikën kufitare Berkasovo, tha për VoA se “pa asnjë lajmërim, kufijtë u hapën”.
Kur kufijtë u hapën, të gjithë “u dyndën” për të kaluar në anën tjetër.

Nuk ishte menjëherë e qartë pse Kroacia pa pritur lejoi hyrjen në masë.

Bllokimi ndodhi kur Hungaria mbylli kalimin kufitar me Kroacinë të shtunën, duke detyruar autobusët të marrin një rrugë më të gjatë nëpër Slloveni, e cila ka vendosur të kufizojë numrin e migrantëve që hyjnë çdo ditë.

Zonja Sunjic tha të hënën se 10 mijë emigrantë hynë në Serbi nga Maqedonia të dielën, një numër më i madh sesa mesatarja e përditshme gjatë muajit të fundit, duke krijuar një efekt domino kur Sllovania ngadalësoi valën e emigrantëve përmes Ballkanit duke kufizuar numrin e hyrjes së tyre në 2 mijë e 500 në ditë.

Deri nga fundi i vitit BE-ja mund të presë rreth 700 mijë emigrantë që largohen nga lufta dhe varfëria nga vende si Siria dhe Afganistani.