Sibel Arslan, një deputete me prejardhje kurde në Zvicër

Keystone

E para politikane me prejardhje kurde (nga Turqia) që ka arritur të zgjidhet deputete në zgjedhjet që u mbajtën dje është Sibel Arslan. Ajo ka kandiduar për formacionin e majtë BastA nga Bazeli („Basels starker Alternative”) në kuadrin e Partisë së Gjelbër të Zvicrës dhe me 7233 votat e fituara ka siguruar një vend në Parlamentin Nacional.

Sibel Arslan ka lindur në vitin 1980 në Turqi ndërsa nga viti 1991 së bashku me nënën dhe vëllezërit ka ardhur në Zvicër ku babai i saj kishte ardhur si refugjat politik gjashtë vite më parë. Në vitin 2004 ajo ka fituar shtetësinë zvicerane dhe po atë vit  i është bashkuar grupacionit BastA. Ndërsa prej vitit 2005 Sibel Arslan është këshilltare në asamblenë e Kantonit BaselStadt, ku kryeson edhe grupin parlamentar të të Gjelbërve, pjesë e të cilit është BastA.

Ka studiuar drejtësinë dhe punon si juriste në administratën e Kantonit Basellandschaft.

Sibel Arslan ka thënë më herët  për mediet zvicerane se nuk mund të ndjehet tama zvicerane sepse gjermanishten nuk e ka njohur si fëmijë. “Por ndjehem fuqishëm qytetare zvicerane”, ka sqaruar ajo

BastA është një grupacion politik i majtë i cili në jetën politike paraqitet së bashku me të gjelbrit dhe Partinë Socialdemokrate.