Fushata me e shtrenjtë zgjedhore e të gjitha kohëve

18 milionë franga zvicerane i kanë harxhuar partitë politike nga prilli deri në shtator për fushatën zgjedhore parlamentare

Keystone

Gjithkund posterë zgjedhorë, reklama, reklama online për fushatën zgjedhore të këtij viti.

Të gjitha këto kushtojnë.
Rreth 12 milionë franga zvicerane janë investuar nga subjektet politike në muajin shtator në betejën për tërheqjen e vëmendjes së votuesve në zgjedhjet e tetorit.

Në përgjithësi, partitë politike ndanë nga prilli deri në shtator në mbarë vendin 18 milionë franga. Kjo është 1.5 milionë franga zvicerane më shumë se katër vjet më parë, raporton SRF, duke cituar shifrat nga instituti Media Focus.

SVP ka investuar 7.147.469 franga për reklamat zgjedhore, pak më shumë se më 2011.

Më shumë para për zgjedhjet e parlamentare ka investuar FDP: rreth 6 milionë franga, rreth 2 milionë më shumë se katër vjet më parë!

SVP dhe FDP janë kështu përgjegjës së bashku për tri të katërtat e shpenzimeve totale.

Në krahasim, të gjitha partitë e tjera të varfra, PS dhe CVP, nuk kanë rritur buxhetin e tyre për reklamat krahasuar me vitin 2011. Demokristianët kanë shpenzuar më pak të holla.

CVP ka shpenzuar pothuajse 1,6 milionë franga zvicerane. Katër vjet më parë kishte investuar 3 milionë, pothuajse dy herë më shumë.

PS megjithatë mbetën me shpenzimet prej 1.5 milionë frangash për reklamat e buxhetit të 2011-ës.

Partitë e vogla të qendrës dhe Të gjelbrit kanë investuar shumë më tepër se sa kanë investuar në zgjedhjet e fundit parlamentare. Liberalët kanë trefishuar shpenzimet në 550.000 franga, ndërsa BDP 543.000 franga, pothuajse dy herë më shumë se në zgjedhjet e fundit.