Çitaku – Haxhiut: UÇK-ja është mbi çdo prioritet, silleni ligjin në Kuvend

Sekretarja dhe deputetja e Partisë Demokratike të Kosovës, Vlora Çitaku, ka reaguar pas deklarates së ushtrueses së detyrës së presidentit, Albulena Haxhiu, pasi ajo tha se mendon që me e rëndësishme është zgjedhja e presidentit, sesa votimi i ndryshimit të Ligjit për dhomat e Specializuara. 

Përmes një postimi në rrjetin social “Facebook”, Çitaku ka shkruar se “UÇK-ja është mbi çdo temë e çdo prioritet!”

“Prioritetet i përcakton populli. Dhe populli ka 17 ditë në rrugë për një arsye: UÇK-në. Dëgjojeni zërin e tij. Silleni ligjin në Kuvend dhe votojeni pa vonesë! Mos bëni politikë. Merrni, për një herë të vetme, vendime në interes të shtetit! JO NË EMRIN TIM!”, ka shkruar ajo, transmeton albinfo.ch.

Ndryshe, PDK-ja ka kërkuar që Kuvendi të ndryshojë Ligjin për Gjykatën Speciale, duke ia kufizuar mandatin, ashtuqë mandati i Gjykatës Speciale të kufizohet në trajtimin e krimeve të pretenduara në raportin e Dick Martyt, si dhe të vendoset monitorim ndërkombëtar i punës së saj.

Ndërsa për krimet e luftës, për të cilat u dënuan katër ish-krerët e UÇK-së, projektligji i propozuar parasheh që ato të gjykohen në Kosovë.