Përfitimi nga puna 4 ditore

Në një eksperiment gjashtëmujor morën pjesë 33 kompani nga 6 vende

Një javë më e shkurtër pune mund t’u mundësojë shumë grave një ekuilibër më të mirë mes punës dhe jetës personale.

Në një eksperiment gjashtëmujor morën pjesë 33 kompani nga 6 vende.

Burrat që punuan katër ditë në javë raportuan se shpenzonin 22% më shumë kohë për kujdesin ndaj fëmijëve dhe 23% më shumë kohë për punët e shtëpisë.

Studimet tregojnë se, në mbarë botën, gratë mbajnë një pjesë disproporcionale të këtyre përgjegjësive.

Studimet tregojnë se, në mbarë botën, gratë mbajnë një pjesë të pabarabartë të këtyre përgjegjësive, duke kryer tri herë më shumë punë të papaguar në familje dhe punë përkujdesjeje sesa burrat, shkruan shqip.al, transmeton albinfo.ch.

Kjo lidhet me një barrë më të madhe për shëndetin mendor dhe me ndikim negativ në cilësinë e jetës.

Një javë pune katërditore mund të ndihmojë në uljen e kësaj barre dhe në përmirësimin e ekuilibrit mes punës dhe jetës personale të grave.

Gjithashtu, ajo mund t’u japë më shumë kohë për t’iu kushtuar interesave dhe synimeve të tyre.

Kufizimet e javës 4-ditore

Java katërditore e punës nuk sjell domosdoshmërisht përfitime për të gjitha gratë.

Gratë e punësuara kanë më shumë për të përfituar, por për ato që tashmë punojnë me turne të gjata, mund të mos jetë e mundur që puna e pesë ditëve të ngjeshet në katër ditë.

Gjithashtu, jo të gjithë mund ta përballojnë financiarisht heqjen dorë nga një pjesë e pagës në këmbim të më pak orëve të punës.

Mbështetje të tjera për gratë që punojnë

Ekspertët thonë gjithashtu se nuk duhet të anashkalohen forma të tjera të mbështetjes për gratë që punojnë, siç është kujdesi i subvencionuar për fëmijët.

Barazia gjinore është thelbësore për stabilitetin financiar dhe ecurinë ekonomike, por hendeku global midis gjinive është ngushtuar me vetëm 0.3 pikë përqindjeje krahasuar me një vit më parë. Me ritmin aktual të përparimit, do të duhen 131 vjet për të mbyllur plotësisht hendekun midis gjinive.

---