Debat në mediat zvicerane mbi vaksinimin e Granit Xhakës kundër COVID-19

Zyra e prokurorit publik të Lucernës po heton Xhakën për falsifikim të dyshuar të një certifikate COVID-19

Në media ekzistojnë informacione të ndryshme në lidhje me datën e vaksinimit të dytë kundër COVID-19 të kapitenit të ekipit kombëtar zviceran, Granit Xhakës.

Kështu, gazeta “SonntagsZeitung” raporton se certifikata e vaksinimit që ajo ka në posedim deklaron datën 11 nëntor 2022. Nga ana tjetër, gazeta, “SonntagsBlick” raporton se vaksinimi është bërë më 8 nëntor, duke cituar gjithashtu një certifikatë vaksinimi.

Për më tepër, gazeta thekson se informacioni në certifikatë nuk përputhet me deklaratat e bëra nga zëdhënësi i Xhakës, i cili fillimisht deklaroi 11 nëntorin. “Kërkoj ndjesë për këtë gabim në lidhje me datën, e cila ndodhi në nxehtësinë e momentit”, tha zëdhënësi për “SonntagsBlick” kur u pyet.

Duke folur për “NZZ am Sonntag”, zëdhënësi deklaroi datën e 8 nëntorit. Zyra e prokurorit publik të Lucernës po heton Xhakën për falsifikim të dyshuar të një certifikate COVID-19.

---