Zviceranët kërkojnë masa konkrete kundër ngrohjes klimatike

KEYPIX - Ein Mann steht unter einem Sonnenschirm im Schatten, in der Badeanlage Rodenbrunnen, am Donnerstag, 30. Juli 2026 in Diessenhofen. Der Rhein weist wie die meisten Gewaesser infolge grosser Hitze und Trockenheit einen tiefen Pegelstand auf. (KEYSTONE/Andreas Becker)

Pas valës së të nxehtit gjatë verës, shumica e qytetarëve zviceranë kërkojnë masa më konkrete kundër ndryshimeve klimatike, përfshirë rinovimin energjetik të ndërtesave dhe instalimin e paneleve diellore.

Kjo rezulton nga një sondazh i realizuar nga 20 Minuten dhe Tamedia, transmeton albinfo.ch.

Pothuajse tre në katër të anketuar mendojnë se ndërmarrja e masave kundër ngrohjes klimatike është urgjente, ndërsa rreth një e katërta nuk sheh nevojë për masa shtesë. Mbështetja për forcimin e politikave mjedisore është dukshëm më e lartë te gratë, me 60%, krahasuar me 43% te burrat.

Mbështetjen më të madhe e kanë rinovimi energjetik dhe përmirësimi i izolimit të ndërtesave, të favorizuara nga katër në pesë të anketuar. Masa gëzon mbështetje edhe përtej ndarjeve politike: 89% e simpatizantëve të të Gjelbërve dhe 72% e mbështetësve të SVP/UDC janë në favor. Ndërkohë, 62% mbështesin më shumë ndihmë federale për bujqësinë për humbjet nga nxehtësia dhe thatësira, ndërsa 58% duan promovim më të madh të trenave të natës.

Edhe “Iniciativa Solare” gëzon mbështetje të konsiderueshme: 71% deklarohen “pro” ose “më shumë pro” propozimit që synon instalimin e detyrueshëm të sistemeve solare në ndërtesat e reja dhe gjatë rinovimit të kulmeve. Këshilli Federal rekomandon refuzimin e saj.

Sondazhi është zhvilluar më 19 dhe 20 gusht, me 12,780 persona në të gjithë Zvicrën, në bashkëpunim me institutin Leewas. Marzhi i gabimit është 1.4 pikë përqindjeje.