Kosova e para në rajon me rritje ekonomike

Në tremujorin e parë të vitit 2026, Kosova shënoi rritje prej 5.43 për qind, ndërsa Shqipëria 3.71 për qind

Kosova ka shënuar rritjen më të lartë ekonomike në rajon gjatë tremujorit të parë të vitit 2026, duke u renditur para vendeve të tjera të Ballkanit Perëndimor.

Sipas të dhënave të publikuara nga Ministria e Financave e Shqipërisë, rritja reale e Prodhimit të Brendshëm Bruto në Kosovë arriti në 5.43 për qind, përcjell albinfo.ch.

Në vendin e dytë renditet Shqipëria me rritje prej 3.71 për qind, pasuar nga Serbia me 3.20 për qind dhe Maqedonia e Veriut me 3.10 për qind.

Mali i Zi regjistroi rritje prej 2.60 për qind, ndërsa Bosnjë e Hercegovina 1.90 për qind. Mesatarja e Ballkanit Perëndimor ishte 3.30 për qind.

Të dhënat tregojnë gjithashtu se rritja ekonomike në rajon ishte dukshëm më e lartë se mesatarja e Bashkimit Evropian, e cila për të njëjtën periudhë ishte 0.70 për qind.

Me rritjen prej 5.43 për qind, Kosova pozicionohet në krye të vendeve të rajonit për performancën ekonomike në tremujorin e parë të vitit 2026.

---