Ceuta në alarm, mbi 1.100 të mitur migrantë mbeten pa strehim

(KEYSTONE/AP Photo/Antonio Sempere)

Autoritetet e enklavës spanjolle të Ceutës kanë shpallur alarm për situatën e mbi 1.100 të miturve të pashoqëruar, të cilët vazhdojnë të qëndrojnë në qytet pas valës së madhe migratore të javës së kaluar.

Kryetari i Ceutës, Juan Jesús Vivas, deklaroi se qendrat e pritjes janë të mbingarkuara, duke funksionuar me 2.600% mbi kapacitetin e tyre kritik, ndërsa qyteti nuk ka më mundësi të strehojë fëmijët migrantë.

Autoritetet spanjolle u kanë bërë thirrje rajoneve të tjera të vendit të marrin pjesë në sistemimin e të miturve, në përputhje me ligjin spanjoll. Megjithatë, disa rajone të drejtuara nga opozita kanë kundërshtuar këtë detyrim.

Edhe organizata Save the Children ka paralajmëruar se sistemi i mbrojtjes së fëmijëve në Ceuta është i tejmbushur, pasi po kujdeset për rreth 1.000 fëmijë, ndërsa kapaciteti normal është vetëm rreth 100 vende.

Kriza u krijua pas hyrjes së më shumë se 70.000 migrantëve në Ceuta javën e kaluar. Edhe pse shumica janë larguar, qindra të mitur vazhdojnë të mbeten në qytet, duke përkeqësuar situatën humanitare.