Kosovë: Shtohen vdekjet në vendet e punës, 16 të vdekur në vetëm shtatë muaj

Ish-kryeinspektori i Punë në Kosovë, Agim Millaku, ka ngritur shqetësimin për rritjen e numrit të aksidenteve me pasoja fatale në vendet e punës në Kosovë.

Gjatë një interviste në mediat e Kosovës Millaku ka thënë se shifrat e këtij viti janë alarmante krahasuar me vitet e mëparshme.

Ai ka theksuar se zakonisht gjatë një viti regjistroheshin rreth 10 deri në 11 raste të vdekjeve në vendin e punës, ndërsa vetëm brenda shtatë muajve të këtij viti janë shënuar 16 raste me pasoja fatale.

“Numri prej 16 rasteve me pasoja fatale është shumë i lartë, pasi në vitet e kaluara mesatarja vjetore ka qenë rreth 10 deri në 11 viktima. Këtë vit ky numër është arritur vetëm për shtatë muaj”, ka deklaruar Millaku.

Sipas tij, rritja e rasteve të tilla tregon për një gjendje serioze sa i përket sigurisë në punë dhe nevojën për masa më të mëdha për mbrojtjen e punëtorëve.