129 mijë makina të manipuluara VW në Zvicër

Këtë thotë importuesi në Zvicër, Amag ndërsa Zyra Federale për Rrugë (Astra) ditë më parë kishte dalë me një informatë se në Zvicër janë rreth 180 mijë makina të tilla

Keystone

Në Zvicër janë të manipuluara afër 129 mijë makina të prodhuesit gjerman Volkswagen. Fjala është për manipulimin tashmë të njohur në emetimin e gazit, për çfarë ditëve të fundit koncerni i madh gjerman për prodhimin e automjeteve, Volkswagen është vënë  në qendër të një skandali të përmasave globale.

Ndërkohë që Zyra Federale për Rrugë (Astra) ditë më parë kishte dalë me një informatë se në Zvicër janë rreth 180 mijë makina të goditura nga ky manipulim, importuesi gjeneral i Volkswagenit në Zvicër, kompania Amag i ka ulur këto shifra në 128.802 sish. Fjala është për automjete që tashmë janë në qarkullim dhe janë të modeleve VW, Audi, Seat, Skoda dhe automjete transportuese VW.

Ndërkohë informacionet më të reja flasin për manipulime të ngjashme edhe në makinat Audi. Në të vërtetë janë rreth 2.1 milionë makina të kësaj marke që vuajnë nga e njëjta anomali pasi që ato edhe janë të pajisura me softuerin e njëjtë sikur të VW, skruajnë Reuters dhe “Spiegel”.