Notat e Xhakës dhe Jasharit pas kualifikimit historik të Zvicrës në çerekfinale

Kapiteni shqiptar u vlerësua me notën 7.8, ndërsa Gregor Kobel ishte lojtari më i mirë i ndeshjes sipas Sofascore

Zvicra ka siguruar një kualifikim historik në çerekfinalen e Kupës së Botës, duke eliminuar Kolumbinë pas ekzekutimit të penalltive dhe duke arritur mes tetë skuadrave më të mira të turneut për herë të parë pas 72 vitesh, transmeton albinfo.ch.

Ndeshja përfundoi 0:0 pas 120 minutave lojë, ndërsa fituesi u përcaktua nga pika e bardhë, ku zviceranët triumfuan me rezultat 4:3.

Heroi i mbrëmjes ishte portieri Gregor Kobel, i cili realizoi disa pritje vendimtare gjatë ndeshjes dhe në serinë e penalltive. Për paraqitjen e tij ai u vlerësua me notën 8.8 nga platforma e statistikave Sofascore, duke qenë lojtari më i vlerësuar i takimit.

Kapiteni i Zvicrës, Granit Xhaka, zhvilloi një tjetër paraqitje të qëndrueshme në mesfushë. Ai realizoi edhe penalltinë e parë për helvetikët dhe u vlerësua me notën 7.8.

Ndërkohë, mesfushori shqiptar Ardon Jashari, i cili e nisi ndeshjen si titullar dhe u aktivizua deri në minutën e 46-të, mori notën 6.3.

Pas këtij suksesi historik, Zvicra do të ketë një sfidë të madhe në çerekfinale, ku do të përballet me kampionen në fuqi, Argjentinën, në një duel që pritet të tërheqë vëmendjen e gjithë botës së futbollit./Albinfo.ch

---