Shërbimi Informativ fiton kompetenca shtesë

Ai do të ketë të drejtë për përgjimin e telefonëve, vendosjen e mikrofonëve në hapësira private dhe të ndërhyjë në kompjuterët privatë

Shërbimi Informativ i Zvicrës në të ardhmen do të fitojë mundësi shtesë për realizimin e misionit të tij. Veç tjerash, me ligjin e ri të Shërbimit Informativ, të miratuar sot nga Dhoma Nacionale e Parlamentit të Zvicrës ai do të ketë të drejtë për përgjimin e telefonëve, vendosjen e mikrofonëve në hapësira private dhe të ndërhyjë në kompjuterët privatë.
Duke miratuar këtë ligj, Dhoma Nacionale ka mënjanuar diferencat e fundit që ka pasur në raport e Dhomën e Kantoneve.
Me gjithë miratimin me shumicë votash nga të dyja dhomat, për të hyrë në fuqi, Ligji mbi Shërbiin Informativ do t`i nënshtrohet votës së popullit. Kanë qenë para së gjithash të gjelbrit që kanë kërkuar referendum për këtë çështje, njoftojnë mediet zvicerane.
Gjashtë vite më parë ishin vënë në diskutim ndryshimet në ligjin në fjalë. Atëbotë Qeveria pati dështuar në ndryshimin e ligjit për faktin se kundër kishte partitë si: SVP/UDC, SP/PS dhe të Gjelbrit.
Ndërkohë, SVP ndryshimin e qëndrimit të saj që e ka treguar në votimin më të ri e shpjegon me situatën e tashme kërcënuese që ndrysho nga ajo e para gjashtë viteve. Dhe konform kësaj situate, masat e shtuara të vëzhgimit janë të arsyeshme.