Vdes piloti i nxjerrë dje prej rrënojave nga shqiptari

Megjithëse me kohë kishte mbërritur shqiptari Zeqir Rexhaj për ta tërhequr nga rrënojat e aeroplanit që po digjej, piloti 71-vjeçar ka vdekur mbrëmë në spitalin universitar të Cyrihut

KEYSTONE

Josef P., piloti i aksidentuar të dielën  me aeroplanin e tij kishte pësuar djegie të rënda. Megjithë se me kohë kishte mbërritur shqiptari Zeqir Rexhaj për ta tërhequr nga rrënojat e aeroplanit që po digjej, piloti 71-vjeçar ka vdekur mbrëmë në spitalin universitar të Cyrihut. Familjarët e tij kanë  konfirmuar për Blick.ch se Josef P. ka vdekur nga plagët e tij në mes të natës.

“Vëllai im për fat të keq ka vdekur”, ka thënë motra e tij në telefon. Mario P. Vëllai i pilotit të aksidetuar kishte thënë se flturimi ishte hobi i tij më i madh. Ai kishte pilotuar për më shumë se 40 vjet

Helikopteri i Rega-s të dielën e ka transportuar atë në Spitalin Univesritar në Cyrih të dielën rreth kohës së drekës, por as ndërhyrja spitalore nuk ka mundur ta shpëtojë nga vdekja.

Josef P. ka qenë pilot i pasionuar amator  me një përvojë mbi 40 vjeçare të fluturimeve.

Në përpjekjen e tij për të bërë një aterrim emergjent në një fushë në Kölliken ai është përplasur në mburojat e rrugës duke goditur një veturë që po kalonte në ato momente në atë rrugë.