Ilirët sjellin shpirtin shqiptar në Festën e Ngjyrave në Aigle

Shoqata Kulturore dhe Artistike Ilirët nga Lozana do të përfaqësojnë kulturën shqiptare në edicionin e 26-të të Festës së Ngjyrave në Aigle, një nga festivalet më të njohura shumëkulturore në Zvicër.

Të shtunën, më 27 qershor 2026, në ora 15:15, grupi Ilirët do të ngjitet në skenë me një program të pasur folklorik, duke sjellë këngë, valle, tradita dhe kostume shqiptare përpara një publiku ndërkombëtar.

Festivali zhvillohet nga 25 deri më 27 qershor dhe bashkon artistë e komunitete nga mbarë bota në një atmosferë feste, kulture dhe miqësie.

Në mesin e dhjetëra kulturave të botës që do të prezantohen në këtë festival, prania e Ilirëve është një mundësi e çmuar për të promovuar trashëgiminë, identitetin dhe vlerat e kulturës shqiptare.

Place de la Planchette, Aigle
Hyrja e lirë

Ejani të mbështesim Ilirët dhe të promovojmë së bashku kulturën shqiptare!