Kush janë 69 xhihadistët e Zvicrës

Krahasuar me vendet e tjera evropiane problemi është më pak i theksuar. Megjithatë, një studim nga Universiteti i Cyrihut (ZHAW) ka rekomanduar masa parandaluese kundër këtij fenomeni.

Sipas studimit të bërë publik në Cyrih, “Jihadistischen Radikalisierung in der Schweiz”, nga 2001 deri në fund të marsit janë regjistruar 69 persona që kanë shkuar në luftë për “xhihad”.

ZHAW mbështetet në informacionet e Shërbimit Informativ Federal.

Të gjithë ata që kanë ndërmarrë rrugën e xhihadit janë në mes të 20 dhe 35 vjeç. Por ka edhe të moshës deri 49 vjeç. Një total prej 6 personash janë në mes 15 dhe 19 vjeç, 12 të tjerët prej 20-24 vjet.

Nga 66 udhëtarët, 12 janë të konvertuar, ndërsa 52 myslimanë janë kryesisht nga vendet e ish-Jugosllavisë dhe Somalia, e ndjekur nga myslimanët e Zvicrës, e për 2 persona nuk ka asnjë informacion në lidhje me fenë.

Një profil tipik për xhihadistët në Zvicër nuk kanë arritur të sjellin autorët e studimit. Përkundrazi, ka pasur një heterogjenitet të madh në aspektin e prejardhjes sociale, arsimit dhe statusit socio-ekonomik.

Te disa prej islamistëve që kanë vënë re studiuesit janë edhe vështirësitë individuale të integrimit që kanë luajtur rol.

Sidomos myslimanët e rinj janë të ndjeshëm nga radikalizimi “xhihadist”.

E për emigrantët e rinj është dyfish më vështirë, sepse ata gjithmonë duhet të merren me familjet dhe origjinën e tyre.

Sipas ZHAW, në Zvicër mungojnë strategjitë e parandalimit.

Prandaj, sipas tyre, duhet të hapen dy qendra këshillimore në pjesën gjermane dhe frankofone, si dhe Helplines për të rinjtë, prindërit, mësuesit dhe imamët.

Për më tepër, programe të risocializimit duhet të zhvillohen edhe për të kthyerit.

Si referencë të parandalimit studiuesit e  kanë përmendur edhe platformën albinfo.ch (faqe 20).

Më shumë për studimin në dokumentin në vijim:

 

---