Behet zgjedhja e himnit të ri të Zvicrës

Është bërë zgjedhja e fituesit për tekstin e ri të himnit kombëtar të Zvicrës. Siç njofton shoqata SGG e cila kishte shpallur konkursin për një himn të ri të Zvicrës, pas vlerësimit të gjashte krijimeve që kishin hyrë në zgjedhje të ngushtë, publiku votues është përcaktuar për tekstin, autor i të cilit është një ekonomist nga Zollikebergu i Cyrihut.

Himni i ri mban titullin “Weises Kreuz auf rotem Grund” (Kryqi i bardhë mbi sfondin e kuq) dhe ai është pëlqyer nga shumica e votuesve.

Si bazë për himnin e ri mbeten përmbajtja, fryma dhe kuptimi i preambulës perkatëse,tsë hyrë në fuqi nga viti 1999 në kuadrin e kushtetutës federale të Zvicrës.

Teksti i ri do të duhej të kontribuonte për pranueshmëri më të madhe, në përputhje me ndryshimin e rrethanave shoqërore në Zvicër. Ndërsa, siç bën të ditur SGG, në bazë të votave, melodia e himnit mbetet e njejtë.

Megjithatë, kjo përzgjedhje nuk e bën tekstin e ri në mënyrë automatike himn zyrtar të Zvicrës. Për një gjë të tillë nevojitet kalimi i shumë barrierave tjera institucionale e burokratike.