Igli Tare largohet nga Milani

Ish-drejtori sportiv shqiptar mbyll zyrtarisht bashkëpunimin me “kuqezinjtë” në një moment riorganizimi të klubit

Ish-drejtori sportiv i AC Milan, Igli Tare, nuk është më pjesë e klubit italian, pasi ndarja është konfirmuar zyrtarisht gjatë ditës së sotme, përcjell albinfo.ch.

Tare është parë duke hyrë dhe më pas duke u larguar nga selia e klubit “Casa Milan”, në një ditë që shënoi përfundimin e bashkëpunimit të tij me drejtuesit e skuadrës.

Në një deklaratë të shkurtër për mediat, ai u shpreh: “E kam bërë gjithçka gjithmonë me shumë sakrificë.”

Kjo lëvizje vjen në një periudhë ndryshimesh të rëndësishme për klubin milanez, i cili pritet të ndërtojë një projekt të ri sportiv pas një sezoni larg pritshmërive dhe objektivave të vendosura. /Albinfo.ch

---