Shtohet numri i shprehjeve raciste në Zvicër

Në Zvicër është shënuar një rritje e ndjeshme e numrit të denoncimeve për shprehje me përmbajtje raciste. Kjo rritje është konstatuar sidomos gjatë muajve të verës që shkoi, ka konfirmuar Policia Federale për radion srf.

Në vitin e kaluar, Qendrës koordinuese kundër kriminalitetit në internet i ishin paraqitur 85 raste të shprehje me bazë raciste të publikuara online. Ndërsa këtë vit numri në fjalë ka shënuar një rritje të madh.

Madje, gjatë muajit gusht ka pasur një katërfishim të këtyre shprehjeve në krahasim me një muaj më parë. Megjithatë, Policia federale nuk ka ofruar të dhëna me shifra të sakta rreth këtij fenomeni.